我看sa基恋

近来好流行开记招，澄清会之类嘅嘢，差唔多日日有人俾人篤爆，日日开记招出来澄清道歉鞠躬。见惯见熟，冇啲惊喜。

今日sa基都一样，唔出奇。

当我见到基基讲到“可以同佢做夫妻……”一半突然眼湿湿口疾疾，我有啲同情佢架，但係当阿sa话“原来，艺人係唔可以有私隐”嘅时候，我即刻收番我啲同情分。

好心你啦！唔通你嘅偶像刘华同埋你嘅“拍拿”天真娇得到嘅教训，你一啲都收唔到？

定係twins已经改名叫做“天真傻”？

你认为你哋嘅眼泪仲值几多分嘞？当你唸番起几年前喺云顶俾人偷窥之后，一大班人撑你哋，你哋仲飚晒眼泪话“我哋係小朋友嘅偶像来嘅嘛！”

之后，较坏细路嘅嘢一祸接一祸，淫照出现咗啦，结婚证书都出埋嚟啦！

有人话，香港嘅狗仔好犀利喔，乜嘢都搔得到。我觉得艺人犀利啲咯，你冇嘢畀佢爆，佢哋又边度有本事吓到你出来开记招嘞？你唔创造啲证据出来，佢哋又边度有本事揾到嘞？

或者你认为有啲嘢係可以收收埋埋成世嘅，但係可惜，你係艺人。

如果你话，“成名，係要付出代价嘅！”我会觉得啱听啲咯～